सुरक्षाको ‘खेल’ वैशाखमा

काठमाडौँ । अभिनेत्री सुरक्षा पन्तको मुख्य भूमिका रहेको फिल्म ‘खेल’ नयाँ वर्षको वैशाख १२ गते रिलिज हुने भएको छ । निर्माण युनिटले फिल्मको अफिसियल पोस्टर सार्वजनिक गर्दै प्रदर्शन मिति बाहिर ल्याएको हो ।

फिल्ममा पन्तसँगै हेना नगरकोटी, मोनिका थापा, समापिका गौतम, निकिता आचार्य, भोला राज सापकोटा, मिथिला शर्मा, सरिता गिरी, किरण श्रेष्ठ, सुहानी खड्का, भवन घिमिरे, सुजन घिमिरे लगायतको अभिनय छ ।

अनुराग प्रधान र आस्था श्रेष्ठको संयुक्त निर्देशन रहेको फिल्ममा रहस्य र थ्रिलरकथामा निर्माण भएको हो । सिरुपाते कट्स प्रालिले निर्माण गरेका फिल्मका कार्यकारी निर्माता लुइसराज महर्जन हुन् भने निर्माता आशिषराज महर्जन र सह निर्माता कुनालराज गुरुङ र रहिशराज महर्जन रहेका छन् ।