रुकुमपूर्वमा जिप दुर्घटना हुँदा ४ जना घाइते
रुकुम। रुकुम पूर्वको सिस्ने गाउँपालिका ५ धारापानीमा जिप दुर्घटना हुँदा चार जना घाइते भएका छन् ।
पोखराबाट रुकुमपूर्वको सदरमुकाम रुकुमकोट आउँदै गरेको ग १ ज ७१०८ नम्बरको जिप दुर्घटना भएको हो ।
दुर्घटनामा रुकुमपूर्वको पुथा उत्तरगंगा गाउँपालिका ५ का २२ वर्षीय प्रेम कामी, सोही स्थानका जिप चालक २१ वर्षीय जुतेस शेर्पाली, बारा घर भएका १८ वर्षीय सर्पराज देवा र बाराकै १८ वर्षीय चन्द कुमार देवा घाइते भएका छन् ।
जिपको टायर फुस्केपछि दुर्घटना भएको बताइएको छ । घाइतेहरुलाई उपचारका लागि जिल्ला अस्पताल रुकुमपूर्वमा ल्याइएको जिल्ला प्रहरी कार्यालय रुकुमपूर्वले जनाएको छ ।
प्रकाशित मिति: २५ पुस २०८१, बिहिबार
