डोटीको जङ्गलमा महिलाको शव फेला

डोटी, पुस २४ । डोटीमा जङ्गलमा एक महिलाको शव फेला परेको छ ।

जिल्लाको केआईसिंह गाउँपालिका–६ लामाडाडास्थित जङ्गलमा मंगलबार महिलाको शव फेला परेको हो ।

जिल्ला प्रहरी कार्यालय डोटीका प्रहरी प्रमुख एसपी विनोद शर्माले मृत महिलाको हड्डी, कपाल र लुगा फेला परेको जानकारी दिए । मृतक महिलाको सनाखतको प्रक्रिया सुरु गरिएको उनले बताए ।

उनका अनुसार शवलाई पोस्टमार्टमको लागि जिल्ला अस्पताल ल्याइएको छ ।