एमाले केन्द्रीय कमिटी बैठक आज पनि बस्दै

काठमाडौं, पुस २३ । नेपाल कम्युनिष्ट पार्टी (एमाले) को केन्द्रीय कमिटी बैठक आज पनि बस्दैछ ।

आइतबारदेखि सुरु भएको बैठक आज मंगलबार पनि बस्न लागेको हो । बैठक बिहान ११ बजे पुनः सुरु हुनेछ ।

ललितपुरमा जारी केन्द्रीय कमिटी बैठकमा प्रस्तुत राजनीतिक एवं साङ्गठनिक प्रतिवेदनमाथि केन्द्रीय सदस्यहरुले धारणा व्यक्त गर्ने क्रम जारी छ ।

आइतबार अध्यक्ष केपी शर्मा ओलीले राजनीतिक प्रतिवेदन र महासचिव शङ्कर पोखरेलले साङ्गठनिक प्रतिवेदन प्रस्तुत गरेका थिए ।