झोलुङ्गे पुलबाट खसेर एक जनाको मृत्यु

जोमसोम, पुस २२ । मुस्ताङमा झोलुङ्गे पुलबाट खसेर एक जनाको मृत्यु भएको छ ।

मुस्ताङको घरपझोङ—४ जोमसोमस्थित नेपाली सेना र जिल्ला प्रशासन कार्यालय जोड्ने झोलुङ्गे पुलबाट खसेर शनिबार पोखरा महानगरपालिका—३० गगनगौडाका ३७ वर्षीय प्रकाश मल्ल ठकुरीको मृत्यु भएको हो ।

जोमसोमस्थित नेपाली सेनाको क्याम्प अगाडि ईलेक्ट्रोनिक पसल सञ्चालन गरेका उनी नेपाल रेडक्रम सोसाईटीको भवनमा भाडामा बस्दै आइरेहका थिए । कोठाबाट पसलतर्फ उनी सोही पुल हुँदै जाने आउने गर्थे ।

पुलबाट खसेका ठकुरीको तत्काल प्रहरी नायब निरीक्षक सनम कुमालको कमाण्डमा पाँच जनाको सुरक्षाकर्मी टोलीले तत्कालै उद्धार गरी जोमसोम अस्पताल पु¥याएको थियो । ठकुरीलाई अस्पताल पु¥याउँदा चिकित्सकले मृत घोषणा गरेको जिल्ला प्रहरी कार्यालय मुस्ताङका प्रहरी निरीक्षक सागर पौडेलले जानकारी दिए ।

पुलबाट खसेर मृत्यु भएका ठकुरीको आइतबार पोष्टमार्टम गरी आवश्यक अनुसन्धान अघि बढाइएको प्रहरीले जनाएको छ ।