मोरङ कारागारमा सजाय काटिरहेका कैदीको मृत्यु

मोरङ । मोरङ कारागारमा कैद भुक्तान गरिरहेका एक जना कैदीको मृत्यु भएको छ ।
मृत्यु हुनेमा बेलबारी नगरपालिका-४ का ६७ वर्षीय अम्मरबहादुर राई छन्।

स्वास्थ्यमा खराबी आएपछि कारागारबाट कोशी प्रदेश अस्पताल लगिएकोमा उपचारका क्रममा मृत्यु भएको हो।

श्वासप्रश्वासमा समस्या भएपछि राईलाई शनिबार दिउँसो २ बजे अस्पताल लगिएको थियो।

दिउँसो ३:५० बजे चिकित्सकले मृत घोषणा गरिदिएको थियो। राई हाडनाता करणी मुद्दामा २०७३ जेठदेखि १४ वर्षको सजाय काटिरहेका थिए।

आइतबार उनका छोराले शव बुझेका छन्।