सर्लाहीमा वडाध्यक्षको नेतृत्वमा प्रहरीमाथि आक्रमण, प्रहरी हवल्दार घाईते
सर्लाही । सर्लाहीमा वडाध्यक्षको नेतृत्वमा प्रहरीमाथि आक्रमण भएको छ । मापसे चेकिङका क्रममा वडाध्यक्षको नेतृत्वमा प्रहरीमाथि नै आक्रमण भएको हो ।
प्रहरीसँग स्थानीय युवासँग विवाद भएपछि स्थिति नियन्त्रणमा लिन हवाई फायर गरिएको छ ।
राननगर गाउँपालिका–५ वडाध्यक्ष श्रीनन्दन यादवसहितको टोलीले चेकिङलाई अवरोध गर्न खोजेका थिए।
सोही क्रममा उनीहरुको आक्रमणबाट प्रहरी हवल्दार शैलेन्द्र रायको टाउकोमा चोट समेत लागेको मधेश प्रदेश प्रहरी कार्यालयले जनाएको छ ।
उनको हाल न्युरो अस्पताल जनकपुरमा उपचार भइरहेको जिल्ला प्रहरी कार्यालय सर्लाहीले जनाएको छ ।
स्थिति नियन्त्रण लिने क्रममा प्रहरीले ५ राउण्ड हवाई फायर गरेको हो ।
प्रकाशित मिति: २१ पुस २०८१, आइतबार
