नम्बर नखुलेको गाडीको ठक्करबाट एक जनाको मृत्यु
सप्तरी। सप्तरीमा गाडीको ठक्करबाट एक व्यक्तिको मृत्यु भएको छ।
सप्तरीको सुरुङ्गा नगरपालिका ३ स्थित कदमाहा–गाईघाट सडक खण्डमा पहिचान खुल्न नसकेको सवारीको ठक्करबाट सोही नगरपालिका–३ का ६० वर्षीय रामबहादुर नेपालीको मृत्यु भएको हो।
आज बिहान ४ बजे मर्निङ वाकमा निस्केका नेपालीलाई नम्बर नखुलेको सवारीले ठक्कर दिएको सप्तरी प्रहरीले जनाएको छ।
ठक्कर दिने सवारीको खोजी भइरहेको छ ।
प्रकाशित मिति: १९ पुस २०८१, शुक्रबार
