बलात्कार मुद्दामा ११ वर्ष कैद सुनाइएका विकास पक्राउ

कपिलवस्तु । प्रहरीले बलात्कार र डाँका मुद्दामा ११ वर्ष कैद सजाय तोकिएका एक जनालाई पक्राउ गरेको छ।

पक्राउ पर्नेमा कपिलवस्तुको बाणगंगा नगरपालिका-४ का ३८ वर्षीय विकास मल्ल छन्।

उनलाई जिल्ला प्रहरी कार्यालय कपिलवस्तुको टोलीले पक्राउ गरेको हो ।

उनलाई १५ फागुन २०७५ मा कपिलवस्तु जिल्ला अदालतले ११ वर्षको कैद सजाय सुनाएको थियो।

कैद भुक्तानका लागि अदालत उपस्थित गराएर उनलाई कपिलवस्तु कारागार चलान गरिएको प्रहरीले जनाएको छ ।