भिजिबिलिटी नभएका कारण तीन विमानस्थलको उडान अवरुद्ध
काठमाडौँ । पर्याप्त भिजिबिलिटी नभएका कारण तराईका तीन विमानस्थलमा बुधबार अपराह्नसम्म एउटा पनि उडान हुन सकेको छैन ।
त्रिभुवन अन्तर्राष्ट्रिय विमानस्थल कार्यालयका अनुसार अहिलेसम्म जनकपुर, भरतपुर र सिमराको उडान हुनसकेको छैन । तीनवटै विमानस्थलमा हुस्सुका कारण भिजिबिलिटी कम छ ।
बुधबारका लागि भरतपुरका उडान भने रद्द नै गरिएको विमानस्थल कार्यालयले जनाएको छ । तराई क्षेत्रका अन्य विमानस्थलमा भने नियमित उडान भइरहेको छ ।
प्रकाशित मिति: १७ पुस २०८१, बुधबार
