एमालेबाट निष्कासित भीम रावलले आज पत्रकार सम्मेलन गर्दै

काठमाडौं, पुस १७ । नेकपा (एमाले)बाट निष्कासित डा. भीम रावलले नयाँ अभियानबारे जानकारी दिन आज (बुधबार) पत्रकार सम्मेलन गर्दैछन् ।

बुधबार दिउँसो १ बजे काठमाडौंको कार्की ब्याङ्क्वेटमा पत्रकार सम्मेलन गरी उनले आफ्ना योजनाबारे जानकारी दिन लागेका हुन् ।

यही पुस १० मा एमालेले उनलाई पार्टीको संगठित सदस्यबाट हटाउने निर्णय गरेको थियो। त्यसपछि रावलले राजनीतिक भेटवार्तालाई तीव्रता दिएका छन् ।

गत सोमबार उनले नेपाली कांग्रेस (बीपी)का उपसभापति कर्ण मल्ल र सुदूरपश्चिम प्रदेश सभाका स्वतन्त्र सांसद डा. तारा जोशीसँग छलफल गरेका थिए । उनी नयाँ पार्टी गठनको तयारीमा जुटेको चर्चा छ ।