५ महिनामा ३९ करोड रुपैयाँ बराबरको बिस्कुट आयात
काठमाडौँ । नेपालमा ५ महिनामा ३९ करोड रुपैयाँ बराबरको बिस्कुट आयात भएको छ । चालु आर्थिक वर्ष २०८१ साउनदेखि मंसिर मसान्तसम्ममा ३९ करोड १ लाख ६३ हजार रुपैयाँको बिस्कुट आयात भएको छ ।
भन्सार विभागकाअनुसार सो अवधिमा १८ मुलुकबाट १६०९९१० किलो बिस्कुट आयात भएको छ । उक्त बिस्कुट आयात हुँदा ३१ करोड ९९ लाख ३ हजार रुपैयाँ राजस्व संकलन भएको छ ।
यसैगरी सबैभन्दा बढी भारतबाट बिस्कुट आयात भएको विभागको तथ्यांकले देखाएको छ । भारतबाट ३० करोड ८९ हजार रुपैयाँको १३५९५०५ किलो बिस्कुट आयात भएको छ ।
प्रकाशित मिति: १६ पुस २०८१, मंगलबार
