सुनसरीका विभिन्न तीन ठाउँमा शंकास्पद वस्तु फेला

इटहरी, पुस १५ । सुनसरीका विभिन्न स्थानमा बमजस्तो देखिने शंकास्पद वस्तु फेला पारिएको छ ।

इटहरी उपमहानगरपालिका कार्यालयको गेट नजिकै, सुनसरी र मोरङको सिमानामा पर्ने बूढी खोलाको पुल नजिकै र धरानको भोटे पुल नजिकै शंकास्पद बस्तु फेला परेको सुनसरी प्रहरीलाई सूचना आएको सुनसरी प्रहरी प्रमुख, एसपी सुमन तिम्सिनाले जानकारी दिए ।

उनका अनुसार अहिले नेपाली सेनाको डिस्पोजल टोलीले डिस्पोज गर्ने तयारी गरिरहेको छ ।