तरुण दलले बोलायो राष्ट्रिय भेला
काठमाडौं, पुस १६ । नेपाल तरुण दल केन्द्रीय समितिले राष्ट्रिय भेला बोलाएको छ ।
समितिले यही पुस को २२ र २३ गते दलको केन्द्रीय सदस्य र जिल्ला अध्यक्षहरूको राष्ट्रिय भेला बोलाएको हो ।
भेलाको उद्घाटन नेपाली काङ्ग्रेस पार्टी सभापति शेरबहादुर देउवाले गर्ने तय भएको छ ।
पार्टीको केन्द्रीय कार्यालय सानेपा स्थित बिपी स्मृति भवनको सभाहलमा हुने कार्यक्रममा दलको केन्द्रीय सदस्य एवं जिल्ला अध्यक्षहरूलाई अनिवार्य उपस्थितिको लागि निर्देशन दिइएको छ ।
प्रकाशित मिति: १६ पुस २०८१, मंगलबार
