प्रतिनिधिसभाको सचिवमा राई सिफारिस

काठमाडौं । प्रतिनिधिसभाको सचिवमा हर्कराज राई सिफारिस भएका छन्।

सभामुख देवराज घिमिरेले राईलाई आइतबार प्रतिनिधि सभा सचिवमा नियुक्तिका लागि राष्ट्रपति रामचन्द्र पौडेलसमक्ष सिफारिस गरेका हुन्।

राई अहिले भौतिक पूर्वाधार मन्त्री देवेन्द्र दाहालका सल्लाहकार छन्।

प्रतिनिधि सभा सचिव सुरेश अधिकारीले राजीनामा दिएपछि रिक्त रहेको पदमा राईलाई सिफारिस गरिएको सभामुख घिमिरेको सचिवालयले जनाएको छ ।