पाकिस्तानी हमलामा परी अफगानिस्तानमा १५ जनाको मृत्यु , बदला लिने तालिवानको चेतावनी

एजेन्सी । पाकिस्तानको हवाई हमलामा अफगानिस्तानमा १५ जनाको मृत्यु भएको छ ।

पाकिस्तानी तालिबानका संदिग्ध लुकेको क्षेत्रलाई निशाना बनाएर गरिएको आक्रमणमा महिला र बालबालिकासहित १५ जनाको मृत्यु भएको हो ।

अफगानिस्तानको रक्षा मन्त्रालयले पाकिस्तानी हवाई आक्रमणको निन्दा गरेको छ ।

काबुलले महिला र बालबालिकासहित सर्वसाधारणलाई निशाना बनाएर हमला गरिएको आरोप लगाएको छ ।

अफगानिस्तानले यसलाई अन्तर्राष्ट्रिय नियमको उल्लंघन भनेको छ । अफगानिस्तानले हवाई आक्रमणको जवाफ दिने बताएको छ।