सुनको मूल्य आज घट्यो, कतिमा हुँदैछ कारोबार ?

काठमाडौं, पुस १० । नेपाली बजारमा सुनको मूल्य आज सामान्य घटेको छ ।

सुन आज तोलामा एक सय रुपैयाँ घट्दै प्रतितोला एक लाख ४९ हजार सात सय रुपैयाँमा कारोबार भइरहेको छ ।

सुन हिजो प्रतितोला एक लाख ४९ हजार आठ सय रुपैयाँमा कारोबार भएको थियो ।

नेपाल सुनचाँदी व्यवसायी महासंघका अनुसार आज चाँदीको मूल्य पनि सामान्य घटेको छ ।

चाँदी आज तोलामा पाँच रुपैयाँ घट्दै प्रतितोला एक हजार आठ सय रुपैयाँमा कारोबार भइरहेको महासंघले जनाएको छ ।