मोरङमा २२ वर्षीय युवतीमाथि सामूहिक बलात्कार

विराटनगर । मोरङको जहदामा २२ वर्षीय युवतीमाथि सामूहिक बलात्कार भएको छ । मंगलबार बिहान मनिङवाक निस्किएको बेला ती युवतीमाथि सामूहिक बलात्कार भएको प्रहरीले जनाएको छ ।

सामूहिक बलात्कारपछि हातखुट्टा बाँधेको र मुखमा पट्टी लगाएको अर्धचेत अवस्थामा युवती फेला परेको मोरङ प्रहरीको भनाइ छ । उनको उपचार विराटनगरस्थित कोशी अस्पतालमा भइरहेको मोरङ प्रहरीका प्रवक्ता डीएसपी वेदप्रकाश जोशीले जानकारी दिए । प्रारम्भिक अनुसन्धानमा युवतिमाथि सामूहिक बलात्कार भएको देखिएको डीएसपी जोशीले बताए । ‘हामीले घटनाको अनुसन्धान सुरु गरेका छौँ । घटनामा संलग्नको खोजी कार्यलाई तीव्र दिएको छ,’ उनले भने ।

युवतीलाई बाँसको झ्याङ्गमा लगेर बलात्कार गरिएको प्रहरीको भनाइ छ ।