ककनीमा युवतीमाथि जबरजस्ती करणी
नुवाकोट । नुवाकोटको ककनीमा २६ वर्षीया युवतीमाथि जबरजस्ती करणी गरेको अभियोगमा सोमबार साँझ एक जना युवक पक्राउ परेका छन् । पक्राउ पर्नेमा ककनी गाउँपालिका-७ चतुराले बस्ने २९ वर्षीय सन्तराम तामाङ रहेका छन् ।
सन्तरामले ती महिलालाई गत पुस ३ गते दिउँसो जबरजस्ती करणी गरेको भन्ने उजुरीको आधारमा प्रहरी चौकी ककनीबाट खटिएको प्रहरीले उनलाई पक्राउ गरेको जानकारी दिइएको छ । यस सम्बन्धमा प्रहरीले आवश्यक अनुसन्धान गरिरहेको छ ।
प्रकाशित मिति: ९ पुस २०८१, मंगलबार
