बराह क्षेत्रबाट एक क्वीन्टल गाजा बरामद

सुनसरी, पुस ८ । सशस्त्र प्रहरीले सुनसरीको बराहक्षेत्र– १ बाट ९७ केजी गाँजा बरामद गरेको छ ।

सशस्त्र प्रहरी बल नम्बर ४ गण हेड क्वाटर सुनसरीको सुरक्षा वेश चतराको टोलीले पटनाली खोला बगर क्षेत्रबाट सो गाँजा बरामद गरेको हो ।

रातिको समयमा पटनाली खोलाको बगर हुँदै चतरा–धरान सडकतर्फ नाम्लो लगाई बोकी ल्याउँदै गरिएको अवस्थामा मोबाइल गस्ती टोलीले गाँजा बरामद गरेको नम्बर ४ गण हेड क्वाटरले जनाएको छ ।