भारतीय गायक सोनु निगम नेपाल आउँदै
काठमाडौँ । भारतका प्रसिद्ध गायक सोनु निगम नेपाल आउने भएका छन् ।
यही पुस १० गते बौद्ध तुसालमार्गस्थित ह्यात चौरमा हुने ‘सोनु निगम लाइभ इन नेपाल’ नामक साङ्गीतिक कार्यक्रमका लागि हुनी नेपाल आउन लागेका हुन् । उनले भिडियो सन्देश पठाउँदै नेपालीसँग पहिलोपटक साक्षात्कार हुने बताए ।
यसअघि नेपालमा उनलाई लिएर कन्सर्ट आयोजना भएको छैन ।
उनको कन्सर्टमा सहभागी हुन बाह्र हजार दर्शक क्षमता रहेको ह्यात चौरमा छ हजार दर्शकले टिकट खरिद गरिसकेको आयोजक संस्था नेपाली टच नेपालका निर्देशक अभिनाश घिमिरेले बताए ।
उक्त कार्यक्रमका लागि न्यूनतम रु दुई हजारदेखि अधिकतरु ५० हजारसम्मको टिकेट राखिएको आयोजकले जनाएको छ ।
प्रकाशित मिति: ८ पुस २०८१, सोमबार
