हिट फिल्म ‘परदेशी २’ अब ओटीटीमा

काठमाडौँ । नारायण रायमाझी निर्देशित गत वर्षको हिट फिल्म ‘परदेशी २’ ओटिटी प्लेटफर्म ‘एमएसएम भिडियो’ मा रिलिज हुने भएको छ । निर्देशक नारायण रायमाझीले फिल्म सोमबारबाट ‘एमएसएम भिडियो’ मा रिलिज हुने जानकारी दिए ।

उनले संसारभर छरिएर रहेका दर्शकले सहज रुपमा हेर्न पाउन् भनेर ओटीटीमा ल्याएको जानकारी दिए । अभिनेता प्रकाश सपूत, केकी अधिकारी, प्रशान्त तामाङ, वर्षा शिवाकोटी, दीलिप रायमाझी, नीर शाह, रमा थपलिया, सबिन बास्तोला, देवेन्द्र बब्लुलगायतको अभिनय फिल्ममा छ ।

राजेश वंशल र नारायण रायमाझीको निर्माण रहेको फिल्मको कथा एवं पटकथा रमेश बिजीले लेखेका हुन् । मानकृष्ण महर्जनको छायांकन रहेको फिल्मलाई दीर्घ खड्काले सम्पादन गरेका हुन् । फिल्मले युवापुस्तामा रहेको विदेश मोहको कथा विषयवस्तु बनाएको छ ।