एनपीएलमा आज दोस्रो क्वालिफायर खेलमा जनकपुर र कर्णाली भिड्दै
काठमाडौँ, पुस ४ । नेपाल प्रिमियर लिग (एनपीएल) को दोस्रो क्वालिफायर खेलमा आज (बिहीबार) जनकपुर बोल्ट्स र कर्णाली याक्स भिड्ने भएका छन् ।
पहिलो क्वालिफायरमा सुदूरपश्चिम रोयल्ससँग ८ विकेटले पराजित भएपछि जनकपुरले दोस्रो क्वालिफायर खेल्न लाएको हो ।
कर्णालीले भने एलिमिनेटर खेलमा चितवन राइनोजलाई २१ रनले पराजित गर्दै दोस्रो क्वालिफायरमा स्थान बनाएको हो । कर्णाली तेस्रो र चितवन चौथो स्थानमा रहँदै प्लेअफमा पुगेका थिए ।
कीर्तिपुरस्थित त्रिवि क्रिकेट मैदानमा हुने खेल मध्यान्ह १२ बजे सुरु हुनेछ ।
प्रकाशित मिति: ४ पुस २०८१, बिहिबार
