१० अर्ब आन्तरिक ऋण लिँदै सरकार

काठमाडौँ । सरकारले थप १० अर्ब रुपैयाँ आन्तरिक ऋण लिने भएको छ । सार्वजनिक ऋण व्यवस्थापन कार्यालयका अनुसार सरकारले विकास ऋणपत्रमार्फत ६ वर्षे अवधिको आन्तरिक ऋण उठाउन लागेको हो ।

बोलकबोल प्रक्रियाद्वारा निष्काशन गर्न लागिएको ऋणपत्र बैंक तथा वित्तीय संस्था, गैरबैंक वित्तीय संस्था, बिमा कम्पनी, संगठित संस्था वा आमनागरिकले खरिद गर्न सक्नेछन् ।

यसको निष्काशन भोलि, बिहीबार हुने कार्यालयले जानकारी दिएको छ । सरकारले उक्त ऋणपत्रको साँवा भुक्तानी २०८७ पुसमा गर्नेछ । उक्त ऋणपत्र बैंक तथा वित्तीय संस्थामा राखेर कर्जासमेत लिन पाइने छ ।