सुनको मूल्य आज घट्यो, कति छ तोलाको ?

काठमाडौं, पुस ३ । नेपाली बजारमा आज सुनको मूल्य घटेको छ ।

सुन आज तोलामा सात सय रुपैयाँ घट्दै प्रतितोला एक लाख ५० हजार सात सय रुपैयाँमा कारोबार भइरहेको छ ।

सुन हिजो प्रतितोला एक लाख ५१ हजार चार सय रुपैयाँमा कारोबार भएको थियो ।

नेपाल सुनचाँदी व्यवसायी महासंघका अनुसार सुनको मूल्य हिजो अघिल्लो दिनको तुलनामा दुई सय रुपैयाँ बढेको थियो ।

त्यस्तै आज चाँदीको मूल्य पनि सामान्य घटेको छ ।

चाँदी आज तोलामा पाँच रुपैयाँ घट्दै प्रतितोला एक हजार आठ सय ३५ रुपैयाँमा कारोबार भइरहेको महासंघले जनाएको छ ।