स्कुल बसले मोटरसाइकलाई ठक्कर हिँदा एक जनाको मृत्यु

काठमाडौं, पुस ३ । दाङमा स्कुल बसको ठक्करबाट मोटरसाइकललाई ठक्कर हिँदा एक जनाको मृत्यु भएको छ ।

मंगलबार बेलुकी साढे ७ बजे रा १ क १४१८ नम्बरको गोरखा आइडियल स्कुलको बसले रा ५ प २६०१ नम्बरको मोटरसाइकललाई ठक्कर दिँदा राप्ती गाउँपालिका–८ बिजौरीका ३१ वर्षीय कृष्णबहादुर शाहीको मृत्यु भएको हो ।

शाहीको घटनास्थलमै मृत्यु भएको जिल्ला प्रहरी कार्यालय दाङका प्रहरी जवान सिर्जन चौधरीले जानकारी दिए ।

घटनापछि आक्रोशित स्थानीयवासीले पूर्व–पश्चिम राजमार्गको बिजौरी खण्डमा सडक अवरुद्ध गरेका थिए ।

मृतकको परिवारलाई क्षतिपूर्ति, मृतकको श्रीमतीलाई रोजगारी र २ बच्चालाई कक्षा १२ सम्म पढाउने लिखित सहमति भएपछि रातिदेखि नै सडक खुलेको जिल्ला प्रहरी कार्यालय दाङले जनाएको छ ।