धनगढीमा होटलमा आगलागी हुँदा ३० लाखको क्षति

धनगढी, पुस १ । धनगढीमा विद्युत सर्ट भएर आगलागी हुँदा ३० लाख बराबरको क्षति भएको छ ।

आइतबार राति धनगढी उपमहानगरपालिका–१३ मोहनपुरमा मालिका होटेल एण्ड डिडी स्टोरमा विद्युतको तार सर्ट भइ आगलागी भएको हो ।

आगलागीबाट होटेल र पसलभित्र रहेका किराना लगायतका सामान जलेर नष्ट भएको छ । प्रहरीका अनुसार आगलागीबाट ३० लाख बराबरको क्षति भएको छ ।

आगो स्थानीय, प्रहरी र दमकलको सहयोगमा नियन्त्रणमा लिइएको प्रहरीले जनाएको छ ।