गुल्मीमा जीप दुर्घटना हुँदा एक जनाको मृत्यु
गुल्मी । गुल्मीमा जीप दुर्घटना हुँदा एक जनाको मृत्यु भएको छ ।
जिल्लाको मुसिकोट नगरपालिका–४ दजाकोटस्थित भित्री कच्ची सडक खण्डमा सुप्र १००१ ज १३८५ नम्बरको फोर्स जीप दुर्घटना भएको हो ।
शुक्रबार बेलुका भएको दुर्घटनामा रेसुङ्गा नगरपालिका वडानम्बर ८ स्थायी घर भएका ४५ वर्षीय रबिन कुमार श्रीसको मृत्यु भएको हो । उपचारका लागि गुल्मी अस्पताल पुर्याउँदा चिकित्सकले मृत घोषणा गरेको प्रहरीले जनाएको छ ।
जीप ओरालो झर्दा मोडमा अनियन्त्रत भई दुर्घटना भएको प्रहरीले जनाएको छ ।
प्रकाशित मिति: २९ मंसिर २०८१, शनिबार
