तिनाउ पुलमा गाडी दुर्घटना हुँदा दम्पतीसहित ३ जनाको मृत्यु
काठमाडौँ, मंसिर २९ । बुटवलको तिनाउ पुलमा बोलेरो गाडी दुर्घटना हुँदा तीन जनाको मृत्यु भएको छ ।
दुर्घटनामा बुटवल–१२ नयाँ गाउँका ७१ वर्षीय तिलकराम खनाल, उनकी श्रीमती ६७ वर्षीया गौरी खनाल र जिप चालक ३२ वर्षीय हरि न्यौपाने छन् ।
गाडी अनियन्त्रित भई पुलको डिभाइडरमा ठोक्किएर पल्टिएको इलाका प्रहरी कार्यालय बुटवलका प्रहरी नायब उपरीक्षक विजयराज पण्डितले जानकारी दिए ।
प्रकाशित मिति: २९ मंसिर २०८१, शनिबार
