चार महिनापछि बुटवल–नारायणघाट खण्डको निर्माण सुरु

काठमाडौँ । निर्माण अवधिको म्याद थप भएको चार महिनापछि बुटवल–नारायणघाट सडक खण्डको निर्माण सुरु भएको छ । २०७९ साउनमा निर्माण सकिनुपर्ने आयोजनाको दोस्रो म्याद गत साउनमा सकिएको थियो । त्यसपछि तेस्रो पटक २०८२ साउन ८ सम्मका लागि गएको साउनमा म्याद थप गरिएको हो ।

बुटवल–नारायणघाट ११४ किलोमिटर सडक विस्तारको लागि २०७५ माघमा चाइना स्टेट कन्स्ट्रक्सन कर्पोरेसनलाई दिइएको थियो । दाउन्ने पूर्व र पश्चिम गरी दुई खण्डमा काम भइरहेको आयोजनाको हालसम्मको भौतिक प्रगति ५३ प्रतिशत छ ।

उक्त आयोजना एसियाली विकास बैंक (एडीबी) को ऋण सहयोगमा स्तरोन्नति भइरहेको छ । यसको दुई खण्ड गरेर ठेक्का रकम १६ अर्ब ९९ करोड ५२ लाख ९६ हजार रुपैयाँ छ ।