धनगढीका मेयर हमालको स्वास्थ्यमा सुधार, अब शल्यक्रिया गर्नु नपर्ने
धनगढी । धनगढी उपमहानगरपालिकाका प्रमुख गोपाल हमालको स्वास्थ्य अवस्थामा सुधार आएको छ ।
भाइ श्याम हमालका अनुसार, नगरप्रमुख हमालको स्वास्थ्य अब शल्यक्रिया गर्नु नपर्ने अवस्थामा पुगेको हो । तर अझै केही समय निगरानीमा राखेर थप उपचार अगाडि बढाइने छ ।
उनका अनुसार हाल उनलाई न्युरो इन्टेन्सिभ केयर आईसीयू र स्ट्रोक युनिटमा निगरानीमा राखिएको छ ।
हाल उनी भारतको नयाँ दिल्लीस्थित म्याक्स सुपरस्पेसियालिटी हस्पिटलमा उपचाररत छन् ।
प्रकाशित मिति: २५ मंसिर २०८१, मंगलबार
