जनकपुर बोल्ट्सलाई टेक्नोले चीन भ्रमणमा लैजाने

काठमाडौँ । नेपाल प्रिमियर लिग क्रिकेट (एनपीएल) को सफल टिम जनकपुर बोल्ट्सलाई गोल्ड पार्टनर टेक्नोले चीन भ्रमणमा लैजाने भएको छ ।

जनकपुरले आइतबारको खेलमा लुम्बिनी लायन्समाथि एक रनको रोमाञ्चक जित हासिल गरेसँगै टेक्नोले चीनको रोमाञ्चक यात्राको योजना बनाएको हो ।

आइतबारको खेलमा लुम्बिनी लायन्सले लगातार चौथो हार बेहोर्ने क्रममा जनकपुरसँग एक रनको हार बेहोरेको हो । यो जारी एनपीएलको सबैभन्दा रोमाञ्चक खेल हो ।

योसँगै जनकपुर चार खेलबाट आठ अंकसहित शीर्ष स्थानमा पुगेको छ ।