झापामा गाडीको ठक्करबाट पैदलयात्रीको मृत्यु

झापा, मंसिर २३ । झापाको कनकाई नगरपालिका– ८ लक्ष्मीपुरमा गाडीको ठक्करबाट पैदलयात्रीको मृत्यु भएको छ ।

पूर्वपश्चिम राजगार्गमा शनिबार पूर्वबाट पश्चिमतर्फ जाँदै गरेको ना४च ४०८४ नम्बरको गाडीले ठक्करले पैदलयात्री स्थानीय ६६ वर्षीय गवरसिंह राईको मृत्यु भएको हो ।

ठक्करबाट घाइते भएका उनको विर्तामोडस्थित बिर्तासिटी अस्पतालमा उपचारका क्रममा मृत्यु भएको जिल्ला प्रहरी कार्यालयका प्रवक्ता कृष्णकुमार चन्दले जानकारी दिए ।

गाडी चालक पर्साको वीरगञ्ज महानगरपालिका–१६ का ३० वर्षीय दीपक गुप्तालाई इलाका प्रहरी कार्यालय अनारमनीले नियन्त्रणमा लिएको छ । घटनाबारे अनुसन्धान भइरहेको प्रहरीले जनाएको छ ।