राष्ट्रपति पौडेलको स्वास्थ्यमा सुधार

काठमाडौं । राष्ट्रपति रामचन्द्र पौडेलको स्वास्थ्य सुधार भएको छ ।

प्रोस्टेटको शल्यक्रियापछि राष्ट्रपति पौडेलको स्वास्थ्य सुधार भएको हो ।

यही मंसिर १९ गते त्रिवि शिक्षण अस्पताल महाराजगञ्जमा राष्ट्रपति पौडेलको शल्यक्रिया भएको थियो ।

अस्पतालका निमित्त कार्यकारी निर्देशक प्रा. डा. घनश्याम गुरुङले विज्ञप्ति निकालेर राष्ट्रपतिको स्वास्थ्यमा सुधार आएको जानकारी दिए।

प्राध्यापक डाक्टर भोलाराज जोशी नेतृत्वको टोलीले राष्ट्रपतिको शल्यक्रिया गरेको हो ।