भुटानका राजा वाङचुक काठमाडौंमा, परराष्ट्रमन्त्री राणाले गरिन् स्वागत

काठमाडौं । भुटानका राजा जिग्मे खेसर नाम्गेल वाङचुक काठमाडौं आइपुगेका छन्।

रानी तेत्सुन पेमा वाङचुकसहित राजा जिग्मे त्रिभुवन अन्तर्राष्ट्रिय विमानस्थलमा ओर्लिएका हुन्।

उनलाई विमानस्थलमा परराष्ट्र मन्त्री आरजु राणा देउवाले स्वागत गरिन् । भुटानी राजा वाङचुकले स्वयम्भूनाथ र बौद्धनाथको दर्शन गर्ने कार्यक्रम छ।

भारतबाट स्वदेश फर्कने क्रममा उनी काठमाडौंमा आएका हुन्। भुटानी राजा आजै स्वदेश फर्कने परराष्ट्र मन्त्रालयले जनाएको छ।