भुटानका राजा वाङचुक शुक्रबार काठमाडौं आउँदै

काठमाडौं । भुटानका राजा जिग्मे खेसर नामग्याल वाङचुक काठमाडौं आउने भएका छन् ।

भारतको औपचारिक भ्रमणमा निस्किने उनी भारत भ्रमण सकेपछि मंसिर २१ गते काठमाडौं आउने भएका हुन्न् ।

उनी २१ गते बिहान काठमाडौंको त्रिभुवन अन्तर्राष्ट्रिय विमानस्थलमा ओर्लिने छन् ।

भुटानी राजा केही घण्टा काठमाडौं विमानस्थलमा रोकिने भएपछि काठमाडौंमा आवश्यक सुरक्षा तयारी अघि बढाइएको छ ।

भुटानका राजाले काठमाडौंमा कसैलाई भेट्छन् कि भेट्दैनन् भन्ने खुलिसकेको छैन ।