आज दुई वटा संसदीय समितिको बैठक बस्दै

काठमाडौँ, मंसिर १९ । आज दुई वटा संसदीय समितिको बैठक बस्दै छ ।

आज शिक्षा, स्वास्थ्य तथा सूचना प्रविधि समिति र सार्वजनिक नीति तथा प्रत्यायोजित विधायन समितिको बैठक बस्न लागेको हो ।

जसमा दिउँसो १ बजे शिक्षा, स्वास्थ्य तथा सूचना प्रविधि समितिको बैठक बस्दै छ । जसमा विद्यालय शिक्षा विधेयक, २०८० र विविध सम्बन्धमा छलफल हुनेछ ।

त्यस्तै दिउँसो १ बजे नै बस्ने सार्वजनिक नीति तथा प्रत्यायोजित विधायन समितिको बैठक बस्दै छ । जसमा राष्ट्रिय निकुञ्जहरूको अवलोकन सम्बन्धमा छलफल हुने संसद् सचिवालयले जानकारी दिएको छ ।