गोली हानेर दुई गाडी गाँजा नियन्त्रण

धरान, मंसिर १९ । धरानमा प्रहरीले गोली हानेर दुई गाडी गाँजा नियन्त्रणमा लिएको छ ।

धनकुटाबाट धरानतर्फ गाँजा बोकेर गइरहेको गाडीलाई मंगलबार राति नियन्त्रण गर्न खोज्दा चालक भाग्न खोजेपछि प्रहरीले ४ राउन्ड गोली हानेर गाडीसहित गाजा नियन्त्रणमा लिएको हो ।

प्रहरीले सेतो नम्बर प्लेटको गाडीमा रहेको ६ सय केजी गाँजा नियन्त्रणमा लिएको जनाएको छ ।

गाजा ओसारपसार गर्ने एकजना पक्राउ र अर्का एकजना फरार रहेको सुनसरीका प्रहरी प्रमुख एसपी सुमनकुमार तिम्सिनाले बताए ।

गोप्य सूचना पाएपछि आधारमा इलाका प्रहरी कार्यालय धरानका डिएसपी प्रकाश जबेगु र वडा प्रहरी कार्यालय भानुचोकका प्रमुख रुद्र खडकाको टोली धरानको शिबधारामा गाडि पक्राउ गर्न पुगेका थिए ।