दीपेन्द्रको अर्धशतकमा सुदूरपश्चिमले दियो विराटनगरलाई १८३ रनको लक्ष्य
काठमाडौं । नेपाल प्रिमियर लिग (एनपीएल)को चौंथो खेलमा सुदूरपश्चिम रोयल्सले विराटनगर किंग्सलाई १८३ रनको लक्ष्य दिएको छ ।
कप्तान दीपेन्द्र सिंह ऐरीले अर्धशतकमा सुदूरपश्चिमले विराटनगरलाई १८३ रनको विशाल लक्ष्य दिएको हो ।
टियु क्रिकेट मैदानमा टस हारेर ब्याटिङको निम्तो पाएको सुदूरपश्चिमले निर्धारित ओभरको खेलमा ७ विकेटको क्षतिमा १८२ रन बनायो।
सुदूरपश्चिमका लागि कप्तान ऐरीले अर्धशतकीय पाली खेले। उनले २३ बलमा अर्धशतक प्रहार गरेका थिए। २४ बल खेलेका ऐरीले ३ चौका र ५ छक्कासहित ५७ रनमा अविजित रहे।
कप्तान दीपेन्द्रसिंह ऐरीले ५७, ब्रान्डनले ३६, बिनोद भण्डारीले २३, इशान पाण्डेले २१, सैफ जैबले १४, स्कटले १० रन बनाए ।
विराटनगरका अनिल खरेलले तीन, क्रिस सोले, इस्मत अलाम र बसिर अहमेदले एक/एक विकेट लिए ।
प्रकाशित मिति: १८ मंसिर २०८१, मंगलबार
