प्रधानमन्त्री ओलीलाई चिनियाँ समकक्षी ली छ्याङले गरे स्वागत

काठमाडौं, मंसिर १८ । चीनको औपचारिक भ्रमणमा रहेका प्रधानमन्त्री केपी शर्मा ओलीलाई चिनियाँ समकक्षी ली छ्याङले स्वागत गरेका छन् ।

ग्रेट हल अफ पिपलमा मंगलबार आयोजित समारोहमा प्रधानमन्त्री ओलीको सम्मानमा चिनियाँ जनमुक्ति सेनाले ‘गार्ड अफ अनर’ प्रस्तुत गरेको थियो । समारोहमा अरू चिनियाँ नेता पनि सहभागी थिए ।

प्रधानमन्त्री ओलीले समकक्षी लीलाई आफ्नो भ्रमण दलका सदस्यको परिचय गराए भने चिनियाँ प्रधानमन्त्रीले पनि आफ्ना अरू नेताको परिचय गराएका थिए ।

त्यसलगत्तै दुई मुलुकका प्रधानमन्त्रीस्तरमा द्विपक्षीय भेटवार्ता सुरु भएको छ । प्रधानमन्त्री ओलीले आजै चीनका राष्ट्रपति सी चिनपिङसँग भेटवार्ता गर्ने कार्यतालिका छ ।