एनपिएल : आज सुदूरपश्चिम र विराटनगर तथा चितवन र पोखरा भिड्दै
काठमाडौं, मंसिर १८ । नेपाल प्रिमियर लिग (एनपीएल) क्रिकेटमा आज (मंगलबार) दुई खेल हुँदैछन् ।
बिहानको पहिलो खेलमा सुदुरपश्चिम रोयल्स र विराटनगर किंग्सले प्रतिस्पर्धा गर्दैछन् भने दोस्रो खेलमा चितवन राइनोज र पोखरा एभेन्जर्स भिड्नेछन् ।
सुदूरपश्चिम र विराटनगरको पहिलो खेल बिहान ९ः१५ बजे सुरु हुनेछ भने चितवन र पोखराको दोस्रो खेल दिउँसो १ः१५ बजे प्रारम्भ हुन्छ । दुवै खेल कीर्तिपुरस्थित त्रिभुवन विश्वविद्यालय (टियू) क्रिकेट मैदानमा हुनेछन् ।
विराटनगर सन्दीप लामिछानको कप्तानीमा मैदानमा हुनेछ भने सुदूरपश्चिम दीपेन्द्रसिंह ऐरीको कप्तानीमा प्रतिस्पर्धामा उत्रिने छ । उद्घाटन खेल खेलेको विराटनगर जितबिहीन छ । विरानगर उद्घाटन खेलमा जनकपुर बोल्टसँग ८ विकेटले पराजित भएको हो ।
पहिलो खेलमा सोमबार काठमाडौं गोर्खाजलाई पाँच विकेटले हराएको चितवनले दुई अंक जोडिसकेको छ । चितवन आज पोखरालाई हराउँदै लगातार जितको खोजीमा हुनेछ भने पोखरा पहिलो खेलमा जित निकाल्दै प्रतियोगितामा शानदार सुरुवात गर्न चाहन्छ ।
पोखरा कुशल भुर्तेलको कप्तानीमा मैदानमा हुनेछ भने चितवन कुशल मल्लको कप्तानीमा छ ।
प्रकाशित मिति: १८ मंसिर २०८१, मंगलबार
