‘पुष्पा २ द रुल’ १२ हजार स्क्रिनमा रिलिज हुँदै, ओपनिङ २ सय करोड हुन सक्ने

मुम्बई । डिसेम्बर ५ बाट हलमा रिलिज हुन लागेको ‘पुष्पा २ द रुल’ रिलिज हुन चार दिन बाँकी छ ।

फिल्मले प्री थिएटरमा रिलिजसँगै एक हजार करोड कमाएको खबर छ । जहाँ पहिलो दिनको ओपनिङ १०० देखि २०० करोड भारु अनुमान गरिएको छ ।

तर अब रिलिज हुनुअघि ओटीटी रिलिजको अपडेट पनि आएको छ । जसका कारण कुन भाषाको ओटीटी प्लेटफर्ममा फिल्म हेर्न सकिने जानकारी दिइएको छ ।

स्ट्रिमिङ अपडेट्सको एक्स पेजमा सेयर गरिएको पोस्टमा लेखिएको छ, ‘पुष्पा २ द रुल’ डिजिटल अधिकार नेटफ्लिक्सले थियटर रिलिजपछि अधिग्रहण गरेको छ, तेलुगु, तमिल, कन्नड, मलयालम र हिन्दीमा। यो जानकारीपछि फ्यानले कति दिनपछि आउने हो भनेर सोधिरहेका छन् । यसबारेमा जानकारी अझै दिइएको छैन ।

‘पुष्पा २’ का निर्माताहरूले मुम्बईमा एक विशेष कार्यक्रमको आयोजना गरेका थिए, जसमा अल्लु अर्जुन र रश्मिका मन्डन्नाको पछिल्लो रिलिजसँग सम्बन्धित खुलासा गरिएको थियो । पुष्प २ विश्वव्यापी १० हजार स्क्रिनमा नभई १२ हजार स्क्रिनमा रिलिज हुन लागेको त्यहाँ बताइएको थियो ।

एकसाथ १२ हजार स्क्रिनमा रिलिज हुन लागेको ‘पुष्पा २’ यस वर्षकै सबैभन्दा ठूलो फिल्म बन्ने अपेक्षा गरिएको छ ।

उल्लेखनीय छ, फिल्मको अग्रिम बुकिङ नोभेम्बर ३० बाट सुरु भएको थियो । पहिलो दिनको कलेक्शन कस्तो होला ? अहिले फ्यानहरूको नजर यसमा परिरहेको छ ।