एक घण्टा बाँकी रहँदा ६१ प्रतिशत मतदान
काठमाडौँ । स्थानीय तहको उपनिर्वाचन अन्तर्गत मतदान गर्ने समय एक घण्टा मात्र बाँकी रहेको छ ।
आइतबार दिउँसो ४ बजेसम्म ६१ प्रतिशत मतदान भएको निर्वाचन आयोगका प्रवक्ता नीता पोखरेल अर्यालले जानकारी दिइन् ।
यो उपनिर्वाचनमा दुई लाख २६ हजार ७९९ मतदाता छन् । हालसम्म करिब १ लाख ३८ हजारभन्दा बढी मतदाताले मत खसालेको अर्यालले बताइन् । उनले अझै अपडेट हुने क्रम जारी रहेकाले यो संख्या बढ्न सक्ने बताइन् ।
स्थानीय तहमा रिक्त ४१ पदका निम्ति आज बिहान ७ बजेदेखि मतदान भएको हो । बेलुका ५ बजेसम्म मतदान हुनेछ ।
मतदान सकिएलगत्तै एउटा मतदान केन्द्र रहेका वडाहरूको मतगणना सुरु गर्ने तयारी रहेको आयोगले जनाएको छ ।
प्रकाशित मिति: १६ मंसिर २०८१, आइतबार
