एनपिएलका आज कुनै पनि खेलहरु नहुने
काठमाडौँ, मंसिर १६ । नेपाल प्रिमियर लिग (एनपीएल) का आज कुनै पनि खेलहरू नहुने भएका छन् ।
आज देशभर स्थानीय तहको उपनिर्वाचन भएको र कीर्तिपुर नगरपालिकाको मेयर पदमा पनि मतदान हुने भएका कारण एनपिएलका खेलहरू नहुने भएका हुन् ।
आज हुने भनिएका खेलहरु सोमबारका लागि सारिएको क्यानले जनाएको छ ।
क्यानका अनुसार भोलि पहिलो खेल बिहान ९ः१५ बजे काठमाडौँ गुर्खाज र चितवन राइनोज्बीच हुनेछ भने दोस्रो खेल दिउँसो १ः१५ बजे जनकपुर बोल्ट्स र कर्णाली याक्स्बीच हुनेछ ।
प्रकाशित मिति: १६ मंसिर २०८१, आइतबार
