लरेन्स बिश्नोईको नाम लिएर व्यवसायीलाई धम्की दिने एक जना पक्राउ

काठमाडौं । भारतको तिहाड जेलमा रहेका गुण्डा नाइके लरेन्स बिश्नोईको नाम लिएर धम्क्याउने एक जनालाई प्रहरीले पक्राउ गरेको छ ।

प्रहरीको केन्द्रीय अनुसन्धान ब्यूरो (सीआईबी)को टोलीले बिश्नोईको नाम लिएर नेपाली व्यवसायीलाई धम्क्याएको आरोपमा एक जनालाई पक्राउ गरेको हो ।

पक्राउ परेका ती व्यक्ति नाम भने सार्वजनिक गरेको छैन । केही समयअघि विश्वनोईको नाम लिएर धम्की दिइएको भन्दै सीआईबीमा केही व्यवसायीहरूले उजुरी दिएका थिए ।

बिश्नोई भारतमा पछिल्लो समय चर्चामा रहेका गुण्डा नाइके हुन्। उनी हाल भारतको जेलमा छन्। तर जेलभित्रैबाट उनले आफ्नो समूह परिचालन गर्दै आएका छन्।