कीर्तिपुरमा आज शीर्ष दलहरुले चुनावी सभा गर्दै

काठमाडौं । कीर्तिपुरमा आज शीर्ष दलहरुले चुनावी सभा गर्ने भएका छन् ।

कीर्तिपुर नगरपालिकाको प्रमुख पदका लागि मंसिर १६ गते गते उपनिर्वाचनलाई लक्षित गर्दै शीर्ष दलहरुले चुनावी सभा गर्न लागेका हुन्।

कीर्तिपुरमा नेपाली कांग्रेस, नेकपा एमाले र नेकपा माओवादी केन्द्रले चुनावी सभा गर्न लागेका छन् ।

चुनावी प्रचारप्रसारको अन्तिम दिन आज ठूला दलहरूले चुनावी सभा गर्न लागेका हुन्।

राप्रपाले भने बुधबार नै चुनावी सभा गरिसकेको छ। कीर्तिपुरमा विभिन्न पार्टीहरू र स्वतन्त्र उम्मेदवार गरी १९ जना चुनावी मैदानमा छन्।

मंसिर १६ गते ३३ जिल्लाका रिक्त ४४ पदका लागि स्थानीय तह उपनिर्वाचन हुँदैछ।