सुतिरहेका मजदुरको साबेल प्रहार गरी हत्या
हेटौंडा, मंसिर १३ । मकवानपुरमा साबेल प्रहार गरी एक जना पुरुषको हत्या गरिएको छ ।
मकवानपुरको मनहरी गाउँपालिका– ६ मा साबेल प्रहारबाट ५० वर्षीय जीतबहादुर मोक्तानको मृत्यु भएको हो ।
मनहरी क्षेत्रमा मजदुरी काम गर्ने मोक्तानलाई सँगै मजदुरी गर्ने ३४ वर्षका अम्बरबहादुर लोप्चनले सुतिरहेको अवस्थामा साबेल प्रहार गरी हत्या गरेको मकवानपुर प्रहरीले जनाएको छ ।
साबेल प्रहारबाट गम्भीर घाइते भएका मोक्तानलाई उपचारको लागि भरतपुर लगिए पनि अस्पतालका चिकित्सकले मृत घोषण गरेका थिए ।
हत्या आरोपी लोप्चनलाई पक्राउ गरी अनुसन्धान जारी राखेको प्रहरीले जनाएको छ ।
प्रकाशित मिति: १३ मंसिर २०८१, बिहिबार
