कस्तुप र शान्तिश्रीले ल्याए लोकदोहोरी ‘बिर्से हुन्छ मलाई’

काठमाडौँ । गायक, श्रष्टा कस्तुप पन्तको नयाँ लोकदोहोरी गीत ‘बिर्से हुन्छ मलाई’ सार्वजनिक भएको छ । गीत गायनमा कस्तुपलाई गायिका शान्तिश्री परियारले साथ दिएकी छन् ।

पन्तकै शब्द र सङ्गीत समेत रहेको गीतले प्रेममा धोका खाएका पति–पत्नीको मनोभावलाई प्रस्तुत गरेको छ, जहाँ एक अर्कामा आरोप–प्रत्यारोप गरिरहेका छन् । गीतको भिडियोमा ज्ञानु नेपाली र यशु भट्टराईको अभिनय छ । रेसम दर्लामीको छायाङ्कन, अमृत चापागाईँको सम्पादन रहेको भिडियो सिर्जन बरालले निर्देशन गरेका हुन् ।

पन्तका लोकदोहोरी र सुगम सङ्गीतमा थुप्रै लोकप्रिय गीतहरू बाहिर आइसकेका छन् । उनको पछिल्लो चर्चित गीत ‘बिजुली चमक्क’, ‘मगमग वासना’ हो ।