क्यान्सरपीडित गायिका गोलेलाई सघाउन कन्सर्ट

भक्तपुर, मंसिर १२ । क्यान्सरपीडित गायिका इन्दिरा गोले गुरुङको सहयोगका लागि भक्तपुरमा रकमेनिया लाउडेस्ट इभेन्ट आयोजना गरिने भएको छ ।

एमईएम इन्टरटेन्मेन्टले गायिका गोलेको सहयोगार्थ रकमेनिया लाउडेस्ट इभेन्ट आयोजना गर्न लागेको हो ।

कन्सर्टबाट उठेको आम्दानीको २० प्रतिशत गायिका गोलेको उपचारमा सहयोग गर्ने इभेन्ट आयोजक रोजिमिश्रले जानकारी गराए ।

यसका लागि आगामी २२ गते भक्तपुरको सल्लाघारी चौरमा रकमेनिया लाउडेस्ट इभेन्ट इन भक्तपुर गरिनेछ । इभेन्टबारे जानकारी दिन आयोजित पत्रकार सम्मेलनमा इभेन्ट आयोजक मिश्रले ३५ लाख खर्च हुने अनुमान गरिएको बताए ।