बुबाको हत्या गरी छोरा फरार, खोज्दै प्रहरी

रुकुम पश्चिम । रुकुम पश्चिमको आठबिसकोट नगरपालिकामा छोराले बुबाको हत्या गरेका छन् ।

आठबिसकोट नगरपालिका १० घारीखोलाका १९ वर्षीय वीरबहादुरले बुबा ५१ वर्षीय दर्बे केसीको हत्या गरेका हुन् ।

जिल्ला प्रहरी कार्यालय रुकुम पश्चिमका अनुसार आइतबार बेलुकी वीरबहादुरले बुवाको पेटमा चक्कु प्रहार गरेका हुन् ।

बुबाको हत्या गरी उनी फरार छन् । उनको खोजीमा प्रहरी परिचालन गरिएको बताइएको छ ।